Айбек Нурбоев: "Олий лига чиққанимиз билан барчани табриклайман"
21 окт 2017 18:53
Новости

Айбек Нурбоев: "Олий лига чиққанимиз билан барчани табриклайман"

Бугун Қувасойнинг "Цементчи" жамоаси "Насаф-2" жамоасига қарши баҳс олиб борди ва 3:0 ҳисобида рақибларини мағлубиятга учратди.

Ушбу баҳс якунига етганидан сўнг "Цементчи" расман олий лига йўлланмасини муддатидан олдин қўлга киритди. Учрашув сўнг "Цементчи" футболчиси Айбек Нурбоев ўз фикрлари билан ўртоқлашди.

Бугунги учрашувда биз ғалаба қозондик ва олий лигага чиқиш билан бирга муддатидан олдин биринчи лига чемпиони бўлдик. "Насаф-2"га қарши учрашув тўлиқ ўз назоратимизда ўтди. Бу йилги чемпионат баҳслари барча жамоалар учун жуда ҳам қийин ўтди.

Чемпионат якунланишига 3та тур қолганида олий лигага чиқган бўлсак ҳам ўзига яраша қийинчиликларга учрадик. Мураббийлар, футболчилар, клубдаги барча инсонлар ўз ишига профессионал тарзда ёндошгани учун, бугун чемпионликка эришдик. Қувасойлик барча футбол мухлисларини ушбу натижа билан табриклайман. Уларга катта раҳмат айтаман. Кейинги йили ҳам бизни олий лигада мана шундай қўллаб-қувватлашларини сўраб қоламан", - дейди "Цементчи" футболчиси Айбек Нурбоев

Жаҳонгир Сотволдиев суҳбатлашди

Ссылка :

Источник : championat.asia

Получайте новости прямо в Telegram!

Рейтинг: +11