Аршавин ва Карпинни ортда қолдирган Дзюба: "Мақсадим — Кержаков"
11 июн 2019 19:50
Новости

Аршавин ва Карпинни ортда қолдирган Дзюба: "Мақсадим — Кержаков"

Россия терма жамоаси ҳужумчиси Артём Дзюба миллий жамоаси тарихида энг яхши тўпурарлар рўйхатида тўртинчи ўринга кўтарилиб олгани ҳақида фикр билдирди.

Евро-2020 саралашидаги Сан-Маринога (9:0) қарши баҳсда Дзюба покер қайд этди ва терма жамоа сафидаги голлари сонини 20тага етказиб олди.

"Карпин ва Аршавинни ортда қолдирганим шунчаки ёқимли. Мақсадим — Кержаков. Мен уни ортидан бораман (кулади). У нечта гол урган, 30та? Лекин, билмадим, кўрамиз. Яратгандан мени соғ-омон қилиб туришини ва йигитлар майдонда узатмалар билан таминлаб туришлигини истайман", - дейди Дзюба.