“Андижон” кеча Тошкентда йиғилди

Йиғиннинг биринчи кунида янги футболчилардан биргина Жавлон Гусейнов кўриниш берди. Мавсумнинг биринчи қисмида “НБУ-Осиё” шарафини ҳимоя қилган Гусейнов кеча машғулотларда иштирок этди. Шундан сўнг мураббийлар унга жавоб бериб юборган. 

Шу кунларда таркибга яна бир нечта янги ўйинчилар келиб қўшилиши кутилмоқда. Аввал хабар берганимиздек, 27 ёшли ҳужумчи Вячеслав Шевченко фаолиятини яна юртимизда давом эттиришга яқин. Украиналик футболчи шу кунларда Тошкентга етиб келиши кутилмоқда. 

Эслатиб ўтамиз, “бургутлар” иккинчи давранинг илк турини 3 август куни сафарда “Пахтакор”га қарши ўтказади.