Андижоннинг “АФА-SGS Shiringaz-2005” жамоаси Қозоғистондаги турнирда финалга чиқди

Унда Андижон вилояти академиясининг “АФА-SGS Shiringaz-2005” ва “АФА-SGS Shiringaz-2006” жамоалари иштирок этмоқда.

Кеча мусобақанинг ярим финал учрашуви бўлиб ўтди. Унда 2005 йилда таваллуд топган андижонлик ёшлар Қирғизистон пойтахти Бишкекнинг “Дордой” жамоасига қарши тўқнаш келди. Хабарингиз бор, яқинда Андижон вилояти академиясининг катта мураббийи Язгелди Кутданов вафот этди. Шу муносабат билан “АФА-SGS Shiringaz-2005” - “Дордой” учрашуви олдидан 1 дақиқалик сукут сақланди. Қизиқарли ва муросасиз кечган ярим финал баҳсида андижонлик ёшлар 2:1 ҳисобида ғалаба қозонди. “АФА-SGS Shiringaz-2005” нинг ҳар икки голига ҳам Ўктамбек Абдумаликов муаллифлик қилганини айтиш лозим. Шу тариқа Шохруҳ Ишанов бошқварувидаги жамоа мусобақанинг финал йўлланмасини қўлга киритди.
Энди “АФА-SGS Shiringaz-2005” жамоаси финалда чемпионлик учун Сирдарё вилоятининг “Сирдарё” жамоасига қарши баҳс олиб боради.

Мазкур мусобақада қатнашаётгган Лочин Гулдаев бошқарувидаги “АФА-SGS Shiringaz-2006” жамоаси эса ярим финалда “Кайрат-академия” жамоасига 2:1 ҳисобида имкониятни бой бериб, турнирдаги иштирокини якунлади.

“АФА-SGS Shiringaz-2005”  жамоаси

Учрашув 1 дақиқалик сукут сақлаш билан бошланди.

“АФА-SGS Shiringaz-2005”  футболчилари Язгелди Кутданов вафоти муносабати билан қора лента билан тушишди.