"Андижон": Кубок баҳсига тайёргарлик бошланди

“Андижон” ўз майдонида Навоийнинг “Қизилқум” жамоасини қабул қилади. Бўлажак учрашувга футболчилар сешанба кунидан тайёргарликни бошлаб юборган. Жарохати сабабли Акмал Турсунбоев, Жавлон Гусейнов ҳамда Иқбол Бобохонов машғулотларда иштирок эта олмаяпти. Шунингдек ўтган турда қизил карточка олган Отабек Валижонов Кубок баҳсида майдонга туша олмаслиги муносабати билан мураббийлар футболчига бироз дам беришга қарор қилган.

21 май шанба куни кечадиган “Андижон” – “Қизилқум” баҳси соат 18:00да бошланади. Айтиш керакки, дастлабки баҳсда 2:2 ҳисоби қайд этилганди. Демак, кейинги босқичга чиқиш учун жамоамизда ажойиб имконият турибди. Мухлисларни далдаси “Андижон” учун ниҳоятда муҳим. Шу боис ишқибозларни навбатдаги қизиқарли ўйинга таклиф этиб қоламиз.