Алишер Ботиров: “Буффон кучли бўлиши мумкин, лекин Роналду мана шу дарвозабонга 5та гол урган”

“Бугун ярим финал баҳсидан кўра кучлироқ ўйин бўлади назаримда. Чунки, дунёнинг энг кучли ҳимояси дунёнинг энг кучли ҳужумига қарши баҳс олиб боради. Мени фикримча бугунги ўйинда “Реал Мадрид” ғалаба қозонади. Сабаби буни футболчилардан кўра кўпроқ Зинедин Зидан истамоқда. Буффон кучли бўлиши мумкин, лекин Роналду мана шу дарвозабонга 5та гол урган. Агарда “Реал” биринчи бўлим бошларида гол уриб олса “Ювентус” олдинга ўтишга мажбур бўлади ва қарши ҳужумда “қироллик” клуби рақибларини жазолашлари мумкин. “Ювентус” биринчи бўлиб учрашувда ҳисобни очса бор эътиборларини ҳимояга қаратади. Бунда “Реал”га бироз қийин бўлиши мумкин. 

Бугун жамоалар пенальтилар сериясига қадар етиб бормаса керак. “Ювентус”га қарши Зидан Иско ва Гарет Бэйлни асосий таркибда майдонга тушириши мумкин. Мен бу гапни “Реал” мухлиси сифатида айтмаяпман. Ҳозир ижтимоий тармоқларда мана шу икки футболчининг қайси бири майдонга туширилиши ҳақида баҳс-мунозаралар бўлмоқда. “Реал” ғалаба қозонса тарихда кетма-кет икки маротаба ЕЧЛ мусобақасида ғолиб бўлган жамоа бўлади”, - дейди Алишер Ботиров