Абрахам автофалокатга учради

24 ёшли инглиз футболчиси ўзининг Porsche Cayenne машинаси билан бошқа автомобилга бориб урилган. Воқеа оқибатида ҳеч ким жабрланмади. Полиция аралашувига ҳам ҳожат қолмади, шу боис футболчи машғулотларга жўнаб кетди.

Эслатиб ўтамиз, аввалроқ инглиз ОАВлари Абрахам Lamborghini русумли автомобилида тезликни белгиланган меъёрдан ошириб ҳайдагани учун 980 еврога жаримага тортилгани ҳақида хабар беришганди. 

Абрахам жорий мавсум А Сериянинг 18 та ўйинида майдонга тушиб, 6 та гол урди. Ҳужумчи 2021 йилнинг августида "Челси"дан "Рома"га ўтганди, унинг трансфер суммаси тахминан 40 миллион еврони ташкил этганди.