“Zomin”ning g'alabali seriyasi 3ta o'yinga etdi

Har yil musobaqalar boshlanganida jamoa o'z oldiga yuqori marralarni ko'zlab, harakat qilgan. O'tgan yillarni sarhisob qiladigan bo'lsak, jamoa faqatgina 2015 yilgi musobaqaning ikkita bosqich natijasiga ko'ra 5-o'ringa chiqa oldi.

Bu yil ham jamoa o'z oldiga yuqori marralarni ko'zlab, harakat qila boshlagan edi. Lekin jamoada birinchi davra so'ngida pasayish yuzaga kelgan edi, buning asosiy sabablaridan biri mablag' bilan bog'liq. SHunday bo'lsada ikkinchi davra boshlanishidan oldin tarkibga tajribali Oliy liga havosidan bahra olgan o'yinchilar va yosh futbolchilar taklif etildi. Ikkinchi davra boshlaridagi ketma-ket mag'lubiyatlar jamoa muxlislarini “Birinchi ligadan tushib ketadimi?” deb, ancha o'ylantirib qo'ydi. Lekin oxirgi uchta turdagi g'alaba (“NBU-Osiyo” - “Zomin” (0-2), “Zomin” - “Xorazm” (3-0), “Zomin”-“Orol” (4-3) jamoa muxlislari qalbida yana umid uchqinlarini uyg'otdi. Jamoa 32-turga kelib, musobaqa jadvalida 10-o'rinda bormoqda. Lekin yana oltita tur uchrashuvlari borligini hisobga oladigan bo'lsak, musobaqa so'ngiga qadar zominliklar turnir jadvalida o'tgan yilgi natijasini yana bir bor takrorlashi mumkin.

“Zomin” jamoasining keyingi tur uchrashuvlari bilan tanishing:
33 tur. 23 oktyabr (yakshanba)
“Norin” – “Zomin”
34 tur. 26 oktyabr (chorshanba)
“Uz-Dong-Ju” – “Zomin”
35 tur. 2 noyabr (chorshanba)
“Zomin” – “Cementchi”
36 tur. 5 noyabr (shanba)
“Zomin” – “Yozyovon-Lochinlari”

Yana 2 ta qoldirilgan o'yin 23 va 24-turlar:
“Xotira-79” – “Zomin”
“Kosonsoy” – “Zomin”

Akmal Raxmatullaev
“Zomin” PFK matbuot kotibi