Zlatko Dalich "Al Ayn" - "Al Hilol" to'qnashuvidan oldin intervyu berdi

Birinchi o'yin BAAning Al Ayn shahrida kechadi. Xorvatiyalik murabbiy Zlatko Dalich ikkala klubda ham ishlagan. U 2013 yil "Al Ahli" bilan Saudiya shahzodasi Kubogida zafar quchgan. SHuningdek, 2015 yil "Al Ayn" bilan BAA chempioni bo'lgan. Qolaversa, o'tgan yil "Al Ayn"ni OCHL finaliga olib chiqqandi. 

- "Al Ayn" - "Al Hilol" qarama-qarshiligida qaysi futbolchilar o'zini ko'rsatadi deb o'ylaysiz? 
- Ikkala jamoada ham kuchli futbolchilar bor. Lekin jamoa sifatida kim zo'r bo'lsa o'sha yutadi. 

- Siz o'tgan yil "Al Ayn" bilan finalda ishtirok etgansiz. Bu mavsum ushbu juftlikdan kimdir finalga borishi mumkinmi? 
- G'arbiy Osiyo klublari uchun finalga chiqib keyin mag'lub bo'lish odat tusiga kirib qoldi. Oxirgi uch yilni yodga olaylik, "Al Hilol", "Al Ahli" va "Al Ayn" klublari finalga chiqib, lekin yakunda Avstraliya, Xitoy va Janubiy Koreya klublariga imkoniyatni boy berishdi. 

- "Al Hilol" dastlabki bahsni safarda o'tkazadi. Nima deb o'ylaysiz, jamoa safarda qanday o'ynashi kerak? 
- Pley-off uchrashuvlarida safardagi bahs juda muhim ahamiyat kasb etadi. Bunda hech bo'lmasa bitta gol urib olish talab etiladi. Agar "Al Ahli" buning uddasidan chiqsa, javob uchrashuvida oson bo'ladi. 

- Imkoniyatlar borasida qanday fikrdasiz? 
- "Al Ayn" o'tgan yil, "Al Hilol" esa uch yil oldin finalda o'ynagan. Ikkala jamoa ham kuchli. Imkoniyatlar haqida 50/50 deya olaman. Faqat muammo shundaki, ikkala davlatda ham milliy chempionat endi boshlanadi va jamoalar hozir yaxshi holatda emas. Ammo ularda OCHLda o'ynash bo'yicha tajriba etarli.