Jozibasiz o'yindagi nursiz durang

Mundialda har bir o'yin juda katta ahamiyatga ega. "S" guruhida ishtirok etayotgan Evropaning Greciya va Osiyoning Yaponiya jamoalari 2-turga kelib o'zaro bahs olib borishdi.

Bu jamoalar avvalgi turda yutqazganliklari bois, ko'pchilik ulardan yorqin va shiddatli futbol kutgani bor gap. CHunki har ikkala jamoa uchun ochko suv va havodek zarur edi. Yutgan jamoaning keyingi bosqich yo'llanmasi uchun imkoniyati oshardi. Lekin bu uchrashuvda ular kutilganidek yuqori darajali futbolni emas, balki og'ir va sifatsiz o'yinni namoyish etib berishdi. Asosan Yaponiya terma jamoasi oldinga intildi va gol kiritish uchun astoydil harakat qildi. Lekin Greciyaning o'sha eski "yopiq" o'yini bu gal ham davom ettirildi. Birinchi bo'lim umuman vaziyatlarsiz o'tdi desak mubolag'a bo'lmaydi. Futbol jozibador o'yin. Lekin Greciya tanlagan uslub, ushbu o'yin jozibasiga putur etkazdi. Greciya raqibiga ham o'ynash imkonini bermadi va o'zi ham hujumga o'tmadi. Birinchi bo'lim greciyalik futbolchi Katsunarisning chetlatilishi bilan yodga qoldi.

Ikkinchi bo'limda ham "samuraylar" oldinga intilishdi. Lekin shu kuni yaponiyalik charm to'p ustalariga raqib darvozasini nishonga olish nasib etmadi. Yaponiyada to'p kiritish uchun imkoniyatlar yuzaga keldi, har holda butun o'yin davomida hujumga intilgan jamoada vaziyatlar bo'ldi. Lekin Uchida, Endo, Okuboning zarbalarini bazida Karnezis bartaraf etgan bo'lsa, gohida yaponiyalik futbolchilarga aniqlik etishmadi. 

Jozibasiz o'tgan o'yin, nursiz durang bilan yakun topdi.

JCH-2014. "S" guruhi, 2-tur.

YAPONIYA – GRECIYA 0:0
Natal. “Arena das Dunas” stadioni
Bosh hakam: Xoel Agilar (Salvador)

Yaponiya: Kavashima, Uchida, Xonda, Nagatomo, Okazaki, Okubo, Konno, Yamaguchi, Xasebe (Endo, 46), Osako (Kagava, 57), Yoshida.

Greciya: Karnezis, Manyatis, Manolas, Samaras, Kone (Salpingidis, 81), Mitroglu (Gekas, 35), Torosidis, Fetfazidiz (Karagunis, 41), Sokratis, CHolevas, Katsuranis.

Ogohlantirish: Xasebe (13), Katsunaris (26),Torosidis (89).

CHetlatish:Katsunaris (38). 

SHahboz Beg'amov.