Jamshid Iskanderovga tasanno!

Bizga malum bo'lishicha, “Lokomotiv”ga qarshi Kubok o'yinidan oldin “Paxtakor”da tarkib bilan bog'liq muammo yuzaga kelgan. Yani, jarohat sabab Stanislav Andreev bilan SHerzod Karimovning maydonga tushishi jiddiy so'roq ostida qoladi. SHuningdek, Jamshid Iskaderovning qorni qattiq og'rib qolgani uchun ukol olishiga to'g'ri keladi.

Futbolchi ukol olib bo'lgach, Babayan uning yoniga kelib balki ikkinchi taymda tusharsan deydi. Lekin Iskanderov klub bosh menejeridan o'zini asosiy tarkibda tushirishni so'raydi va bor kuch bilan harakat qilishini aytadi. To'g'ri, “Lokomotiv”ga qarshi o'yinda Iskanderov maydonga tushdi, biroq o'z imkoniyatlarining yarmini ham ko'rsata olmadi.

“Agar uni zaxirada olib qolganimda yoki umuman maydonga tushirmaganimda Jamshidning kayfiyati ancha tushib ketgan bo'lardi, - deydi bu borada Samvel Babayan. - “Paxtakor” o'z tarkibida mana shunday futbolchi to'p tepayotgani bilan faxrlanadi”.

X.Xoliqov.