"Yuventus" Remsi borasida "Arsenal" taklifini rad etdi

"Arsenal" rahbariyati "keksa senora"ga Remsi - Benatiya almashuvi taklifi bilan chiqdi. Lekin, turinliklar bunga rozi bo'lishmadi.

Bu haqda Italiyaning Football Italia nashri malumot berdi. Manbada keltirilishicha, Remsi "Yuventus" bilan shaxsiy shartnoma shartlari bo'yicha kelishuvga erishgan. Turinliklar uelslik xavbekni qishki transfer paytida qo'lga kiritishni xohlashmoqda. Bunga javoban "Arsenal" Remsini "Yuventus"ga qishda qo'yib yuborishga qarshi emas. Biroq, buning evaziga "to'pchilar" Turin klubidan Mexdi Benatiyani berishlarini so'radi. "Yuventus" esa bu taklifni rad etdi.

Avvalroq, marokashlik Benatiyaga "SHalke" va "Milan" klublaridan qiziqish bo'lganiga qaramay, "Yuventus" rahbariyati futbolchini boshqa jamoaga qo'yib yubormasligini aytgandi.