“Yuventus” Jiru bilan kelishuvga erishdi

Turinliklar Olive Jiru bilan shaxsiy shartnoma borasida kelishuvga erishdi. Unga ko'ra, Jiru “Yuventus”ga o'tgan taqdirda klub bilan 2 yillik bitim tuzadi va yiliga 4,5 mln evro maosh oladi.

Hozircha “Yuventus” “CHelsi” bilan kelishuvga erishganicha yo'q. London klubi 33 yoshli francuz transferidan 5 mln evro ishlab olishni rejalashtirgan. Turin klubi ushbu transferni yakunlashda shoshmoqchi emas. Klub boshqa variantlar paydo bo'lsa, ularni ham ko'rib chiqishi kutilmoqda.