Yoshlar ligasi: “Bunyodkor” – “Metallurg” 2:1

SHu kuni “Bunyodkor” yoshlari tarkibida sezilarli yo'qotishlar bor edi. Yani jamoaning 6 nafar azosi – Azizbek Mamazoitov, Sardorbek Azimov, Mirjamol Qosimov, Akromjon Komilov, Xurshid G'iyosov va Dostonbek Hamdamov terma jamoa yig'iniga chaqirilganligi bois Murod Otajonov boshchiligidagi murabbiylar shtabi ular o'rnini farm-klub vakillari bilan to'ldirishdi.

Uchrashuv dastlabki daqiqalardanoq hujumkor ruhda boshlandi. O'yin boshidayoq to'p nazoratini olishga uringan bekobodliklar 2-daqiqadayoq penalti tepish xuquqiga ega bo'ldilar. SHoxnazar Norbekovga nisbatan ishlatilgan qo'pollikdan so'ng belgilangan 11 metrlik nuqtaga jabrlanuvchining o'zi yaqinlashdi. Biroq Norbekov tepgan to'pni Abdukarim Muhammedov qaytardi va ilk daqiqalardanoq jamoadoshlariga ruhiy ustunlik bag'ishladi.

Biroq birinchi gol bo'lim so'nggida kiritildi. Zabixillo O'rinboev o'z abjirligi evaziga raqib darvozasini ishg'ol qildi. Tanaffusdan keyin ham yosh “qaldirg'ochlar”ning ustunligi davom etdi. 60-daqiqada Zabixillo O'rinboev o'z o'zining ham, jamoasining ham ikkinchi golini kiritdi. SHundan so'ng “Bunyodkor” yoshlarida biroz xotirjamlik kuzatilgandek bo'ldi. Bundan esa bekobodliklar unumli foydalanib qolishdi. Sardor Inomjonovning tomonidan yo'llangan to'pni “Bunyodkor” posboni Abdukarim Muhammedov to'sib qololmadi – 2:1.

Ushbu hisob o'yin oxirigacha o'zgarmay qoldi.

9-tur
“BUNYODKOR” – “METALLURG” 2:1
Gollar: Zabixillo O'rinboev 45+1 (1:0), Zabixillo O'rinboev 60 (2:0), Sardorbek Inomjanov 77 (2:1)
Ogohlantirishlar: SHahzod Abduraximov 10, Murodjon Tuychiboev 16, Bahodir Pardaev 59
Amalga oshirilmagan penalti: SHoxnazar Norbekov 2 (darvozabon)
“Bunyodkor”: 35.Abdukarim Muhammedov, 3.Hasan Asqarov, 7.Sanjar Rixsiboev (6.Islomjon Qobilov 60), 8.Ergash Ismoilov (5.SHaxriyor Imomxo'jaev 90), 10.Temur Ayupov (2.Tursun Rahmonberdiev 86), 11.Nodirjon Mavlonov (14.Ibroxim G'ofurov 46), 13.Zokirjon Nurmatov, 15.Ahror Umarjonov (S), 18.SHahzod Abduraximov, 19.Bahodir Pardaev (4.Jahongir Xo'jamov 90), 21.Zabixillo O'rinboev (Sanjar Qodirqulov 73)
Zaxira: 25.Murodjon Zuxurov
“Metallurg”: 25.Ravshanbek Yagudin, 2.Murodjon To'ychiboev (12.Zufarjon Akbaraliev 20), 3.Jasur Ahmedov, 4.Laziz Nuriddinov, 5.Ulug'bek Xudoyorov (19.Daler Niyozov 60), 7.Sardorbek Soibov (18.Konstantin Petrov 18), 8.Asilbek Mansurov, 10.SHoxnazar Norbekov (9.Laziz Alimov 77), 11.Saidjon Abdujabborov (S), 20.Islombek Biyto'raev (21.Umid Raximov 79), 22.Arslon Sultonov (17.Sardorbek Inomjonov 46)
Zaxira: 1.Nodir Nishonov
Hakamlar: D.Dosanov (Toshkent), A.Najafaliev, A.SHukurullaev, D.Pislegin
Nazoratchi: I.Nexochin (Namangan)
22 may. “Bunyodkor” futbol maktabi stadioni. 52 tomoshabin