“Yashnobod” Pro-liga bahslariga hozirlikni boshladi

SHuningdek, yashnobodliklar “Mustaqillik kubogi — 2018” musobaqasida finalchi bo'ldi.

Yangi mavsum oldidan poytaxtimizning Yashnobod tuman hokimligi jamoa oldiga jiddiy vazifalarni qo'ymoqda. “Yashnobod” futbolchilari O'zbekiston XXVIII milliy chempionati Pro liga bahslarida poytaxt sharafini himoya qiladi.

10 yanvardan boshlab yashnobodliklar Aziz Fayziev bosh murabbiyligida yangi mavsum taraddudiga kirishdi. Ayni paytda “Yashnobod” jamoasi poytaxtimizdagi “Yoshlik” sport majmuasi hamda tumandagi 198-sonli umumtalim maktabi suniy qoplamali stadionida mashg'ulotlarni olib borishmoqda.

— O'tgan yil jamoamizning shakllanishi uchun katta tajriba maktabi vazifasini o'tab berdi, — deydi jamoa bosh murabbiyi Aziz Fayziev. — Bunda albatta Yashnobod tuman hokimligi, «Artel Engineering and Management» MCHJ hamda boshqa xomiylarimizning hissasi katta bo'ldi. Tumanimiz katta iqtisodiy salohiyatga ega. Millionlar o'yini — futbol shinavandalari talaygina. Maqsadimiz kelgusida avvalo bolalar futbolini rivojlantirish va istedodli yoshlarni kashf etishdan iborat. Pro liganing asosiy talablaridan biri ham shundan iborat. SHu bois, asosiy etiborni “Yashnobod” professional futbol klubi infratuzilmasini shakllantirishga qaratganmiz. Ayni paytda futbol klubimiz qoshidagi to'rtta yosh guruhlarida bir yuz ellikka yaqin bola “charm to'p” sirlarini o'rganishyapti. Jamoamiz murabbiylar shtabi kunning birinchi yarmida “Yoshlik” sport majmuasida mashg'ulotlarni tashkil etishayotgan bo'lsa, tushdan keyin 198-sonli umumtalim maktabida futbolchilarni ko'rikdan o'tkazishyapti.

Pro liga talablariga ko'ra, har bir jamoa o'z mashg'ulotlar bazasiga ega bo'lishi zarur. Yashnobod tumani hokimi Xojiakbar Tillashayxovning bildirishicha, tez kunlarda Tuzel-2 dahasida 5 ming tomoshabinga mo'ljallangan zamonaviy stadionning qurilish ishlari boshlanadi. Bu sport majmuasida shuningdek, alohida mashg'ulotlar maydoni, trenajyor zali va boshqa qulayliklar yaratiladi. Bundan tashqari, xomiylar tomonidan “Yashnobod” professional futbol klubi uchun maxsus avtobusga ham buyurtma berilgan.

Rejaga ko'ra, “Yashnobod” jamoasi shu yilning mart oyida poytaxtimizda ztadigan PFL kubogida ishtirok etishi rejalashtirilgan. SHundan so'ng, Pro ligada jamoa sharafini himoya qiladigan futbolchilar ro'yxati shakllantiriladi.