Xurshid Xodjaev: So'nggi daqiqalarda ham omad biz tomonda bo'ldi

Aytish kerakki, kechagi bahsda Hurshid jamoasini bir necha bor muqarrar gollardan saqlab qoldi. SHu bois bo'lsa kerak, u Mashal ustozi tomonidan uchrashuvning eng yaxshi o'yinchisi deya etirof etildi.

- Yaratganga shukur, g'alaba qozondik. Bundan juda xursandmiz. Mashalga qarshi o'yin qiyin bo'lishini kutgandik. Uchrashuvdan oldin murabbiylarimiz raqib jamoa o'yini tushirilgan videotasma orqali bizga kerakli ko'rsatmalarni bergandi. Murakkab bahs kutib turganini takidlab, raqibni puxta o'rgangandik. Goleador hujumchimiz Anvar Berdievning kiritgan to'pidan so'ng ham o'yinni susaytirmaslikka xarakat qildik. Gol bo'lgan vaziyatda Berdievning tajribasi asqotdi. Golga qadar ham bir nechta imkoniyatlarni yuzaga keltirdik. Ammo ulardan samarali foydalana olmadik. Uchrashuvning so'nggi o'n besh daqiqasida himoyaga etibor qaratdik va yakunda g'alaba qozondik. Ko'rgan bo'lsangiz, o'yin oxirlarida Mashal futbolchilari darvozamiz yaqinida xavfli vaziyatlarni yuzaga keltirdi. Bu paytda omad biz,tomonda bo'ldi. Ushbu muvaffaqiyat bilan bizni butun o'yin davomida qizg'in qo'llab-quvvatlab turgan ishqibozlarimizni tabriklayman, - deydi darvozabon.

Andijon matbuot xizmati.