So’nggi yangiliklar

09:17УEФА Чемпионлар Лигасининг янги мавсумида “Барселона“ни очколардан маҳрум қилиши мумкин  5 08:50Goal «Олтин тўп»ни ютишга даъвогарлар рейтингини янгилади. ПСЖнинг уч нафар футболчиси ТОП-10 га илк бор киришди  8 08:23“Реал Мадрид“ яна бир трансфер бўйича ишни якунлади  9 07:56Бугун Ўзбекистон ОТЖ Францияга қарши баҳс олиб боради  6 07:23БАА Спорт вазирлиги "Ҳаммамиз оқлар тарафидамиз" кампаниясини ўтказмоқда: Спорт федерацияларига бепул чипталар тарқатиляпти  26 00:44Сон Хён Мин "Тоттенхэм"ни тарк этиши ва Саудия клубига ўтиши мумкин?!  1 00:19Лука Модрич янги клуби билан қачон шартнома имзолайди?  1 23:44"Тоттенхэм" янги уй либосини тақдим этди  2 22:42Инзаги "Ал Ҳилол"да қанча маош олади?  2 22:07ПСЖ украиналик футболчини ўз сафига қўшиб олмоқчи, аммо...  0 21:32"Ал Ҳилол"га ўтишга рози бўлмаган Тео Эрнандес испан гранди сафига ўтиши мумкин  4 21:05Инзагининг ўрнига "Интер"га ким бош мураббий бўлади?  4 20:41Инзаги "Интер"ни тарк этди, унинг янги клуби ҳам маълум  9 20:15"Челси" А Сериядаги дарвозабон бўйича ишни бошлади  4 19:39Пенальтидаги “иккинчи тегиниш” қоидасига ўзгартиш киритилди   16

Xose Venansio Lopes Niderlandiyani nega mag'lub eta olmaganimiz va Paragvay terma jamoasi haqidagi savollarga javob berdi Yangiliklar

Xose Venansio Lopes Niderlandiyani nega mag'lub eta olmaganimiz va Paragvay terma jamoasi haqidagi savollarga javob berdi

O'zbekiston futzal terma jamoasi bosh murabbiyi Xose Venansio Lopes Paragvayga qarshi uchrashuv oldidan saytimizga kichik intervyu berdi.

- O'zbekiston milliy terma jamoasi Jahon chempionatidagi o'z yurishini boshladi. Niderlandiya terma jamoasiga qarshi kechgan dastlabki uchrashuv haqida gapirib o'tsangiz?

- Mening fikrimcha, dastlabki uchrashuvda bazi bir qiyinchiliklarga duch keldik. Butun o'yin davomida hisobda orta bordik, lekin raqibdan yaxshiroq o'yin ko'rsatdik. Niderlandiya deyarli hech qanday xavf tug'dira olmadi, raqib faqatgina biz yo'lgan qo'ygan xatolardan foydalandi. Fikrimcha, o'sha uchrashuvda g'alaba qozonishga biz ko'proq loyiq edik. Eng muhimi, hisobda ortda borishimizga qaramasdan, jamoa xarakter ko'rsata oldi. Hech bo'lmaganda durang qayd etdik.

- Niderlandiya ko'proq himoyalandi, deb aytib o'tdingiz. Bunday "avtobus" qo'yib olgan jamoalarga qarshi qanday o'ynashimiz mumkin? Biz Niderlandiya himoyasini nima sabab yorib o'ta olmadik? Niderlandiyani mag'lub etishga nima etishmadi deb o'ylaysiz?

- Bizga xalal bergan asosiy jihatlardan biri - biz hisobda ortda qolganimiz. Hisobda ortda borganimiz bizga tasir qildi, raqib esa ushbu vaziyatda o'zini erkinroq his qildi. Niderlandiya ortiqcha tavakkal qilmadi va tartibli himoyalandi, xolos. SHu sababli biz himoyani yorib o'tishda qiynaldik.

- Ertangi raqibimiz Paragvay terma jamoasi haqida nimalar deya olasiz? Ko'pchilik, Paragvay terma jamoasini kuchli deb aytmoqda. Masalan, Argentina terma jamoasi bosh murabbiyi Paragvayni juda kuchli va tajribali jamoa deb aytdi.

- Ha, Paragvay juda kuchli terma jamoa. Bosh murabbiy ham terma jamoa bilan 7 yil davomida ishlab kelmoqda. Futzalchilar ham murabbiy nimani istayotganini to'liq bilishadi. Paragvay terma jamoasi safidagi futzalchilar kuchli hisoblangan Ispaniya va Italiya ligalarida to'p tepishadi. Qisqa qilib aytganda, ular juda tajribali.

- Bizdan kuchli bo'lgan Paragvay terma jamoasini nima evaziga mag'lub eta olamiz?

- Biz maksimum harakat qilishimiz kerak. O'zimizning yuz foizli o'yinimizni namoyish etishimiz kerak. SHuningdek, Niderlandiyaga qarshi kechgan uchrashuvdagidek himoyada xatolar qilmasligimiz kerak. Niderlandiya pozicion hujumda hech qanday muammo yarata olgani yo'q. Paragvayga qarshi bahsda ham imkon qadar himoyada xatolarga yo'l qo'ymasligimiz kerak. Paragvay terma jamoasi standart vaziyatlardan ham yaxshi foydalanadi. SHu sababli himoyada xatosiz o'ynashimiz va standart vaziyatlardan foydalanib ketishimiz kerak.

- Agar muxlislarga yoki ommaga qandaydir murojaatingiz yoki gaplaringiz bo'lsa, marhamat.

- Birinchi navbatda bizni qo'llab-quvvatlashlaringizni so'rayman. Niderlandiyaga qarshi kechgan uchrashuvdagidek muxlislik qilishlaringizni iltimos qilgan bo'lardim. Faqatgina jipslashish orqali Jahon chempionatida yaxshi natijaga erisha olamiz. Bizni qo'llab-quvvatlab turgan muxlislar va OAV vakillariga ham katta rahmat.



Abdulvosit Bektemirov suhbatlashdi


Reyting: +2   

Fikrlar

championat.asia
< so’nggi yangiliklarni ko’rish
Яндекс.Метрика