Xorijlik mutaxassis ishtirokidagi master klassdan so'ng o'zbekistonlik murabbiylar qanday fikrda?

Tadbirda UEFA Pro licenziyasiga ega mutaxassis Yuriy Sverkov bir qator yangiliklar, o'zining tajribalari bilan bo'lishdi. Biz shu o'rinda anjumanda qatnashgan o'zbekistonlik murabbiylarning fikrlari bilan qiziqdik.

Dilshod Nuraliev ("Odil Junior" 2009 murabbiyi) - Ushbu mutaxassis bilan avvaldan tanish emasman. Odil Ahmedov tashabbusi ostida shunday seminar tashkil qilindi. Yuriy Sverkov o'zining dasturi bilan tanishtirdi. Xozirgi yosh murabbiylar uchun foydali bo'ladi. Har bir yoshda tajribali murabbiy bo'lishi kerak. Bizning bolalar futbolida bu narsa shakllanmagan. 6 yoki 7 yoshida bolalarni yig'ib 18 yoshgacha o'zi olib chiqadi. Har bir yosh toifasi 2 yillik oraliqda ishlashi kerak. 

Alisher Ibrohimov ("Bunyodkor" 2009 murabbiyi) - Birinchi navbatda Odil Ahmedovga rahmat aytmoqchiman. Evropadan kelgan murabbiydan kerakli narsalarni oldik. Bitta seminar bilan to'xtab qolish kerak emas. CHunki bir marttadan ko'p narsani egallab olish qiyin. Bunday tadbir faqat foyda keltiradi. 

Mamur Ikromov ("Odil Junior" darvozabonlar murabbiyi) - Ushbu seminarda ko'plab murabbiylar birga yig'ildik. O'ylaymanki, hamma o'zi qiziqtirgan malumotlarni oldi. Ularning dasturi nemis futbol maktabi asosida shakllangan. Evropalik murabbiylar ishtirokida har yili kamida 1 oy yoki 2 oy o'tkazilsa tezroq o'sish kuzatiladi.  

Abdulaziz Iskandarov yozib oldi