Xorazm xomiylarning etiboriga muxtoj

Hademay mamlakatimizda Pro-liga o'yinlari ham boshlanadi. Ammo shunga qaramay, «Xorazm»da sharoit ijobiy tomonga o'zgarmayapti. Jamoa xatto musobaqada ishtirok etish uchun Professional futbol ligasining hisob raqamiga badal pulini o'tkazmagan. Futbolchilar oldidagi o'tgan mavsumdagi qarzdorliklar hanuzgacha yopilmadi. Klub rahbarlari futbolchilarga qolib ketgan pullar albatta berilishi haqida aytib, ertangi kunga bo'lgan ishonchini ko'tarmoqda. Bosh murabbiy Aleksandr Ejov ichki imkoniyatlardan kelib chiqqan xolda, jamoani mavsumga puxta tayyorlashga xarakat qilmoqda. Tarkibga Aybek Nurboev, Mirjalol Qurbonov, Marks Quranboev va Qadamboy Nurmetov kelib qo'shilgan. 

Bu yil ham asosiy etibor mahalliy futbolchilarga qaratiladi. Malumot uchun, «Xorazm» chempionatning ilk turini 7 aprel kuni G'uzorda «SHo'rtan» jamoasiga qarshi o'tkazadi.