"Xorazm" - "Orol". Prevyu

Har ikkala jamoa ham birinchi turda omadsizlikka uchradi. Nukusliklar o'z maydonida Farg'onaning "Istiqlol" jamoasiga 1:2 hisobida imkoniyatni boy berishgan bo'lsa, urganchliklar G'uzorda "SHo'rtan"dan qaqshatqich mag'lubiyatni qabul qilib olishdi - 1:5.

SHu bois bu galgi o'ziga xos derbi har qachongidan ham o'zgacha tarzda kechishiga shubha yo'q.

"Orol" jamoasi bu mavsumda bir qator sobiq futbolchilarini o'z safiga qaytardi. Damir Nizanov, Navro'z Alimov, Azamat Babajanovlar tarkibga qaytdi. Ikkita Navro'z va Azamat Babajanov hujum triosidan muxlislarning umidlari katta.

O'z navbatida Xorazm jamoasi safida qoraqalpog'istonlik ikki nafar futbolchi Erbol Seytnazarov va Oybek Nurboevlar sobiq jamoasiga qarshi maydonga tushishlari mumkin.

Jamoalarning oxirgi 6 ta toqnashuvining 4 tasida "Xorazm", 2 tasida "Orol"ning qo'li baland kelgan. Bundan ko'rinib turibdiki derbida hech bir jamoa murosa ko'chasini tanlash haqida o'ylamaydi.

"Orol" jamoasi o'tgan mavsum bilan qo'shib hisoblaganda oxirgi 14 o'yinning faqat bittasida g'alaba qozongan, so'ngi 5 ta to'qnashuvni esa faqat mag'lubiyat bilan yakunlamoqda.

Bugun bo'lib o'tadigan derbida muxlislarni shiddatli futbol kutmoqda.

Furqat Yusupov