So’nggi yangiliklar

02:11Марко Станоевич: "Аламли мағлубият бўлди. Буни тезроқ унутиб, машғулотларга қайтишимиз керак"  2 01:33Аброр Исмоилов: "Муҳим учрашувда керакли очколарни қўлга киритдик"  1 01:27Камолиддин Тожиев: "Натижа бор, лекин жамоамиз ўйинидан қониқмадим"  1 00:45Ольмо Клублар ўртасидаги ЖЧ ҳақида: "Мавсумга тўлақонли тайёргарлик кўраётганимиздан хурсандмиз"  3 00:35Фарҳод Нишонов: "Кубок ўйинларида янада узоқроқ боришни мақсад қилгандик"  0 00:22Ҳаким Фузайлов: "Бугунги мағлубият учун ҳамма айбни ўзимга оламан"  3 00:00Суперлига. "Динамо" мухлислари кўз ўнгида "Нефтчи"га ютқазди  2 23:50Сергей Лушчан: "Кубок ўйинларида футболчиларга қўшимча мотивация керак"  6 23:28Вадим Абрамов: "Бугун жамоам жуда оғир ўйнади"  11 23:06Брайан Риаскос: "Суперлига – бир қараганда осон, аммо аслида жуда мураккаб турнир"  2 22:59Виталий Левченко: "Динамо"нинг турнир жадвалида биздан юқори эканлиги футболчиларга қўшимча мотивация берди"  5 22:25Осиё Кубоги саралаши. Ўзбекистон аёллар терма жамоаси Лаос дарвозасига еттита жавобсиз тўп киритди  6 22:19"Милан" 20 млн евродан зиёдга Италия термаси футболчисини сотиб олади  1 22:14Ўзбекистон кубоги. Чорак финалнинг барча иштирокчилари аниқ!  2 21:58Суперлига. "Нефтчи" қолдирилган ўйинда "Динамо"ни ишончли ҳисобда ютиб, 3-ўринга кўтарилиб олди  55

Xitoy Taypeyidagi qiyinchiliklar, Superliga murabbiylariga rahmat, Argentina va Urugvayga qarshi bo'lajak o'yinlar haqida - Farhod Nishonov Yangiliklar

Xitoy Taypeyidagi qiyinchiliklar, Superliga murabbiylariga rahmat, Argentina va Urugvayga qarshi bo'lajak o'yinlar haqida - Farhod Nishonov

O'zbekiston U-20 terma jamoasi Xitoy Taypeyida o'tgan Osiyo kubogi saralash bahslarini 100 foizli natija bilan yakunlab qita birinchiligiga yo'llanma olganidan xabaringiz bor.

Ushbu saralash bahslari yakunlangach O'zbekiston terma jamoasi bosh murabbiyi Farhod Nishonov championat.asia saytiga intervyu berdi.

"Dastlabki uchta o'yinni yirik hisobda yutganimizdan keyin ham bo'shashmadik. Sababi yo'llanmaga ega chiqmagandik. Bahraynga qarshi uchrashuvdan oldin raqiblarda ham imkoniyat bor edi. Yirik g'alabalar tufayli chetdan qaraganda barchaga Osiyo kubogi yo'llanmasi oson qo'lga kiritilgandek tuyulishi mumkin. Lekin yigitlar mashg'ulotlar va maydon tashqarisida qanday sabrli bo'lishganini o'zim guvohi bo'ldim. Bu erdagi ovqatlar halol emasligi uchun yigitlar ularni tanovul qilishmadi ham. Bundan tashqari mashg'ulotlar ham, o'yinlar ham suniy maydonlarda o'tkazildi. To'g'ri jarohatlar bo'lmadi, lekin futbolchilarimizning oyoqlarida og'riqlar bor va ko'karishlar ko'rinib turibdi. Yigitlar Xitoy Taypeyidagi ob-havoga ham ko'nikishdi. Bu erda namlik juda ham yuqori bo'lganini barcha ko'rdi deb o'ylayman.

Yana bir narsani alohida takidlash lozim. Bu saralash musobaqasi FIFA kunlarida o'tmadi. SHu bois Superliga klublari murabbiylariga katta rahmat aytmoqchiman. Barcha murabbiylar o'z futbolchilarini terma jamoaga qo'yib yuborishdi. 1 oy davomida yigitlar terma jamoada bo'lishdi va bizga katta yordam berishdi.

Keyingi rejalarimizga kelsak Osiyo kubogiga tayyorgarlik ko'ramiz. Saralashdagi o'yinlarimizni kuchaytirishimiz shart. Raqiblar ham bizni o'rganishni boshlashadi. O'z o'yin uslubimizni o'zgartirmagan holda individual tarzda yigitlar o'sishi kerak. O'FA xalqaro bo'limi Argentina va Urugvay terma jamoalari bilan muzokara o'tkazishmoqda. Argentina bilan viza bo'yicha muammo bo'lmoqda. Agar barchasi yaxshi ketsa oktyabr oyidagi FIFA kunlarida shu ikki davlat terma jamoalariga qarshi o'rtoqlik uchrashuvlari o'tkazamiz. Fevral oyidagi Osiyo kubogiga qadar yana yig'inlar va o'yinlar o'tkazamiz", - dedi Farhod Nishonov championat.asia saytiga bergan intervyusida.



Reyting: +7   

Fikrlar

championat.asia
< so’nggi yangiliklarni ko’rish
Яндекс.Метрика