Xavi Garsiya: "Villash-Boash "Zenit"ga kelishimga katta rol o'ynadi"

- Siz avvalgi jamoadoshlariz Vitsel va Garay bilan gaplashib oldingizmi? Ular nimalar deyishdi?
-Ha, ushbu ikkala futbolchilar bilan gaplashishga ulgurdim. Vtselning aytishicha, klub ajoyib ekan. Nafaqat jamoa, balki shahar ham juda chiroyli ekanligini aytib o'tdi. Garay ham bu fikrlarga qo'shildi va bu erda o'ynash yoqimli ekanligini yashirmadi.

- Sevgan qizingiz o'zining "Instagram"dagi sahifasida sizni yangi hayot kutayotganligi rasmda izoh sifatida yozib qoldiribdi. "Zenit" safiga o'tish bu siz uchun nima?
- Hahaha, bu haqida bilmagandim. Men undan bu haqida hech kimga aytmasligini so'ragandim. Endi esa jamoa bilan shartnoma imzolab bo'ldim va men baxtliman. "Zenit"ga o'tish bu men uchun yangi qadam. Bu nafaqat men uchun, balki sevgan qizim va qizalog'im uchun ham qiziqarli bo'lishi aniq.

-Yangi ustozingiz Villash-Boash bilan gaplashib oldingizmi?
-Aslini olganda men u bilan telefonda ko'p marotaba gaplashdim. Meni "Zenit"ga o'tishimda uning roli katta bo'ldi. Andre Villash-Boash klubning kelajakdagi rejalari va maqsadlari haqida so'zlab berdi. Biz yuqori maqsadlar sari dadil intilamiz. O'ylaymanki, kerakli natijalarni qo'lga kirita olamiz.