Vodiy futboli: "Navbahor"da 4ta diskvalifikaciya

"Navbahor": "Nasaf"ga qarshi 4 nafar futbolchimiz o'ynay olmaydi

Namanganning "Navbahor" klubi oliy liganing 23-turini Qarshida "Nasaf"ga qarshi o'tkazadi. Ushbu o'yinda "lochinlar" safida bir yo'la to'rt nafar futbolchi diskvalifikaciya tufayli maydonga tusha olmaydi.

Alisher Samatov, Sanat SHixov, SHahboz Erkinov va Dilshod Jabborovning sariq kartochkalari to'rttaga etgani bois ular Qarshiga borishmaydi.

22-turni o'tkazib yuborgan Bobur Akbarov esa "Nasaf" bilan uchrashuvda maydonga tusha oladi.


"Neftchi": Dilyorbek Ermatov "Dinamo"ga qarshi o'ynamaydi

Farg'onaning "Neftchi" klubi keyingi turni safarda "Dinamo" bilan o'tkazadi. Ushbu uchrashuvda vodiy klubi safida jamoaning asosiy himoyachisi Dilyorbek Ermatov maydonga tusha olmaydi. Uning sariq kartochkalari soni to'rttaga etdi.

Aksincha o'tgan turni diskvalifikaciya tufayli o'tkazib yuborishga majbur bo'lgan Abbos Maxstaliev Samarqanddagi o'yinda jamoaga yordam bera oladi.


"Qo'qon-1912": "Qizilqum" bilan o'yinda Doniyor Usmonov qatnasha olmaydi

Rustam Abdullaev boshchiligidagi "Qo'qon-1912" 23-turni o'z maydonida "Qizilqum"ga qarshi o'tkazadi. Bu o'yinda vodiy klubi hujumchisi Doniyor Usmonov sariq kartochkalari to'rttaga etgani bois ishtirok eta olmaydi.