"Vodiy futboli": "Neftchi" qora ananaga barham beradimi?

"Andijon": Tayyorgarlik bugundan boshlanadi

Juma kuni “Dinamo” klubiga qarshi bo'lgan o'yindan so'ng Edgar Gess futbolchilarga bir kunlik dam berdi. Bugun kunning ikkinchi yarmidan jamoamiz yana o'z qarorgohiga yig'iladi.

Xabaringiz bor, 1 iyul kuni “Andijon” birinchi davraning so'nggi turida o'z maydonida “Paxtakor”ni qabul qiladi. Mana shu o'yinga jamoamiz tayyorgarlikni bugundan boshlaydi. SHuni aytib o'tish kerakki, diskvalifikiciyaga uchragan futbolchilarimiz Ibrohim Otaxonov bilan Sanjar Asqaraliev “Paxtakor”ga qarshi maydonga tushishlari mumkin. CHunki ular beshtadan o'yinni o'tkazib bo'lishdi.


"Neftchi": Oxirgi 6 yilda "Qizilqum"ga safarda 6 marta mag'lub bo'lganmiz

Farg'onaning "Neftchi" klubi 15-turni Navoiyda "Qizilqum"ga qarshi o'tkazadi.

Etiborlisi oxirgi olti o'yinda “Qizilqum” o'z uyida "Neftchi" ustidan faqat g'alaba qozongan. Ko'ramiz 1 iyul kungi o'yinda farg'onaliklar o'zlari uchun qora ananaga barham berisharmikin.


"Navbahor": Ulug'bek Baqoev "Lokomotiv"ga qarshi o'ynay olmaydi

Namanganning "Navbahor" klubi oliy liganing 15-turini Toshkentda "Lokomotiv"ga qarshi o'tkazadi.

Ushbu o'yinda "lochinlar" hujumchisi Ulug'bek Baqoev ishtirok eta olmaydi. Sababi futbolchining ogohlantirishlari soni 8taga etdi.


"Qo'qon-1912": Bugun "Bunyodkor"ga qarshi tayyorgarlik boshlanadi

"Qo'qon-1912" jamoasi bir kunlik dam olishdan so'ng bugun navbatdagi tur o'yiniga tayyorgarlikni boshlaydi.

Rustam Abdullaev boshchiligidagi jamoa 1 iyulda o'z maydonida Toshkentning "Bunyodkor" klubini qabul qiladi.