"Vodiy futboli". Asqaraliev va Otaxonov 5tadan o'yinga diskvalifikaciya qilindi

"Qo'qon-1912": “Paxtakor” bilan 5 iyul kuni o'ynaymiz

Oliy liganing 2-turidan o'rin olgan “Qo'qon-1912” – “Paxtakor” uchrashuvi malum sabablarga ko'ra, boshqa kunga qoldirilgandi. Professional futbol ligasi, musobaqalarni o'tkazish bo'limi mazkur uchrashuvni 5 iyul kuni bo'lib o'tishini malum qildi.

Eslatib o'tamiz, 1 iyul kuni Qo'qonga Toshkentning boshqa bir jamoasi “Bunyodkor” tashrif buyuradi.


"Neftchi": "Buxoro"ga qarshi o'yin kechroq vaqtga belgilanadi

Farg'onaning "Neftchi" klubi oliy liganing 13-turidan so'ng keyingi turdagi raqibi "Buxoro"ga qarshi uchrashuvga tayyorgarlikni boshlab yubordi.

Oliy ligada hozircha umuman g'alaba qozona olmagan "Buxoro"ga qarshi bahs futbolchilar va muxlislarga qulay bo'lishi uchun imkon qadar kechroq muddatga belgilanadi.


"Navbahor": Ertaga "Lokomotiv" bilan o'ynaymiz

Namanganning "Navbahor" klubi ertaga O'zbekiston kubogi 1/8 finali doirasida o'z maydonida "Lokomotiv"ni qabul qiladi.

Toshkentda kechgan dastlabki uchrashuvda "temiryo'lchilar" 2:0 hisobida zafar quchishgandi. Ertangi javob bahsida Baxtiyor Ashurmatov boshchiligidagi jamoa ushbu farqni yo'qqa chiqarib chorak finalga chiqishga urinib ko'rishadi.


"Andijon": Otaxonov va Asqaraliev 5tadan uchrashuvni o'tkazib yuborishadi

Bir kunlik dam olishdan keyin jamoa bugun tushdan keyin qarorgohga yigiladi. Ertaga ertalab jamoa Bekobodga yul oladi. O'zbekiston kubogi nimchorak finali javob bahsida jamoa "Metallurg"ga qarshi maydonga tushadi. Birinchi o'yinda jamoamiz 3:1 hisobida g'alaba qozongan. PFLning qaroriga ko'ra Ibrohim Otaxonov va Sanjar Asqaraliev 5tadan uchrashuvni o'tkazib yuborishadi.