Vitaliy Levchenko: "O'rtoqlik uchrashuvlarida tushgan tarkibni optimal, deb bo'lmaydi"

Jamoa mazkur yig'in doirasida bugun "Bunyodkor"ga qarshi ikkinchi o'rtoqlik uchrashuvida maydonga tushdi (0:1). Aytish mumkinki, murabbiylar shtabi mana shu bahslarda bir qator futbolchilarni ko'rikdan o'tkazishdi. Xo'sh, ular jamoada qoladimi? Yana qaysi chiziqlar kuchaytirilishi kerak? Bu borada o'yindan so'ng murabbiyning fikrlari bilan qiziqdik. 

"Bunyodkor" "Neftchi"ga qarshi ikkinchi nazorat uchrashuvida g'alaba qozondi

— Birinchi yig'inimiz nihoyasiga etdi. O'zimiz uchun kerakli xulosalarni chiqardik. O'rtoqlik uchrashuvlari, mashg'ulot jarayonlari reja asosida o'tdi, deya olaman. Legionerlar bilan bir qatorda yosh iqtidorlarni ham ko'rib olganimizni aytishim mumkin. Yigitlar o'zlariga individual yani yakka tartibdagi vazifalarni olishdi. 3 yanvar kuni yana Toshkentda yig'ilib 6 yanvar Turkiyaga yo'l olamiz. 

— Albatta o'rtoqlik uchrashuvlarida tushgan tarkibni optimal, deb bo'lmaydi. SHuningdek qandaydir natija ham talab qilmaymiz. Bunda o'yin formasiga kirib borish muhim ahamiyat kasb etadi. Tabatadzega kelsak, hujumchini yozdan boshlab kuzatishni boshlagan edik. U bilan barcha muzokaralar yakunlandi. Qaysi chiziqlar kuchayadi? Butun markazni kuchaytirishimiz kerak. 

— Abror haqida nima ham derdim, u o'z yo'lini tanladi. Bu uning qarori. Birgalikda olib borgan ishi uchun rahmat aytaman va omad tilayman.