Viktor Jalilov sobiq jamoasiga qaytdi

Murabbiy sifatida o'z vaqtida “Paxtakor”, “Mashal”, “Navbahor” kabi jamoalarda faoliyat yuritib, sezilarli yutuqlarni qo'lga kiritgan Viktor Romanovich oradan 15 yil vaqt o'tib yana sobiq jamoasi – “Mashal” klubiga qaytdi.

68 yoshli murabbiy 2005 yili “gazchilar”ning o'sha vaqtdagi rahbari Bahrom Davlatovning taklifiga binoan “Mashal”ga kelgandi va shu mavsumning o'zidayoq jamoa bilan 2-o'rinni egallab, OCHL yo'llanmasini qo'lga kiritgan. Xabaringiz bor, hozirda “Mashal” bosh murabbiyi sifatida “A” licenziyasiga ega bo'lgan Asror Aliqulov faoliyat yuritmoqda. Ushbu murabbiy o'z vaqtida Viktor Jalilov qo'li ostida o'ynaganini inobatga olib aytadigan bo'lsak, katta extimol bilan Aliqulov – Jalilov tandemi “Mashal”ni yangi mavsumga tayyorlaydi.

Viktor Romanovich 2019 yilning boshida “Andijon”ga maslahatchi murabbiy sifatida taklif etilib, keyinchalik qisqa muddat ichida klubdan ketgandi. Mavsumning ikkinchi qismida esa Toshkentning “Lokomotiv” klubida Samvel Babayanga yaqindan ko'maklashdi.