Vidich "Yunayted"ga qaytmaydi

Ingliz matbuotining xabariga ko'ra "Yunayted" ustozi Lui Van Gal himoyadagi muammolarni 33 yoshli Vidich yordamida hal qilmoqchi.

Biroq futbolchinin agenti Silvano Martinaning aytishicha "Qizil iblislar"ning sobiq sardori Manchesterga qaytmas ekan.

"Buning bari mish-mish. Vidichning "Inter" bilan 3 yillik shartnomasi bor, u Milanni tark etmaydi. Bunday xabarlarni kim tarqatayotganini bilmayman. "Inter" mag'lub bo'lsa matbuot bosh aybdor sifatida Vidichni ko'rsatmoqda. Qaytaraman: U "Inter"dan ketayotgani yo'q, - deydi Martina Calciomercato nashriga.