VIDEO. Madhiyani mana qanday aytish kerak!

Yoshlar terma jamoasidan chiqqan futbolchilar MTJga kelganda yo madhiyani unutib qo'yganlar yoki aytishni o'zlariga ep ko'rmadilar. Ha endi ular katta bo'lib qolishdi-da. Madhiyani faqat o'smirlar yoki yoshlar terma jamoasi uchun emas, yurakdan, qalbdan his etib aytish kerak.

Kecha Braziliya terma jamoasi madhiyani jo'r bo'lib kuylagan epizod barcha-barchaning etini jimirlatib yuborgan bo'lsa kerak. SHaxsan men o'yin boshlanmasidan avval Braziliya bugun g'alaba qozonadi dedim. Bu terma jamoa mezbon bo'lganligi uchun emas, vatan madhiyasini jonini berib , dodlatib yuborgani uchun. Muxlislar ko'zida yosh oqizib yuborganligi uchun aytdim. 6 yoshli bolakaydan tortib, asli braziliyalik bo'lgan Xorvatiya terma jamoasi azosi Eduardogacha madhiyani kuyladi. Eduardo madhiyani aytilayotgan paytda ko'zlarini shunchaki yumib olgan holda, madhiyaga ichida jo'r bo'ldi.

Madhiyaning so'nggi daqiqasida musiqa o'chdi. Futbolchilar shunday hayqiriq bilan madhiyani aytdilarki, bizning jonli ijroda qo'shiq aytadigan sanatkorlarimiz hijolatdalar. Mana madhiya qanday etiladi, mana vatan sevgisi nima.

N.Yuldashev


TAS-IX hududida



TAS-IX emas