Veynaldumning kuzatuvchanligi "Liverpul"ga g'alaba keltirdi

Uchrashuvdagi birinchi gol Jorjino Veynaldumning kuzatuvchanligi tufayli amalga oshdi. Burchak to'plarida "Kardiff" himoyachilari bor etiborni Virjil van Deyk, Joel Matip va Roberto Firminoga qaratishini payqagan Veynaldum gol urdi. Trent Aleksander-Arnold jarima maydonchasiga erlatib pas berdi va gollandiyalik to'pni darvozaga joylab qo'ydi.

"Birinchi bo'limda bir o'zim edim. Xendersondan to'pni Trentga berishni, u esa to'pni menga erlatib uzatishini so'radim" - deydi Veynaldum.

"Xendo menga Jini 11 metrlik nuqta oldida bo'shligini aytdi va tanaffusda standartni xavfliroq amalga oshirishni kelishib oldik. Kerakli nuqtaga pas berishga urindim. Jinining zarbasi juda zo'r bo'ldi" - deydi Aleksander-Arnold.

Hammadan ko'proq Klopp xursand bo'ldi. "Biz turli variantlarni mashq qilamiz, ammo bu erda yigitlarning o'zi bir qarorga kelishdi. Juda xursandman. O'yinda o'rganyapmiz, futbolda bundan yaxshirog'i bo'lmaydi".

"The Times"ning yozishicha, Yurgen standartlarga ko'proq vaqt ajratishni buyurgan va bu foyda bermoqda: "Liverpul" mavsum yakunlanishiga uch tur qolganda avvalgi mavsumdagi natijasini yaxshiladi (20ta gol - 11ta gol).

TAS-IX