Van Persi mana shu hafta butsalarini mixga iladi

Mazkur bahs 12-may kuni «Feyenoord» o'yingohida «ADO Den Xaag» jamoasiga qarshi bo'ladi. Van Persining jamoasi Gollandiya chempionatining 32-turidan so'ng 62 ochko to'plagan holda 3-o'rinda bormoqda.

Eslatib o'tamiz, Gollandiya terma jamoasi tarixidagi eng yaxshi to'purar (50ta gol bilan) bo'lgan forvard faoliyati davomida hozirgi klubidan tashqari, Angliyaning – «Arsenal», MYU, Turkiyaning – «Fenerbaxche» jamoalarida harakat qilgan. Joriy mavsum esa u 29 bahsda maydonga tushib, 18 bora raqiblar darvozasini ishg'ol etgan holda 5ta golli uzatmani o'z hisobiga yozib qo'ygan.