Van Persi JCHda van Galdan kaltak egani haqida gapirdi
24 may 2020 15:15
Yangiliklar

Van Persi JCHda van Galdan kaltak egani haqida gapirdi

Niderlandiya termasining sobiq futbolchisi Robin van Persi JCH-2014ning chorak finalida Kosta-Rikaga qarshi o'yinda bosh murabbiyi Lui van Gal to'satdan urib qolganini aytdi.

"O'yinning qo'shimcha bo'limlari boshlandi va mening oyoqlarim tomiri tortisha boshladi. Van Gal menga qarab: "Seni almashtiraman", deb baqirdi. Unga esa men: "Yo'q, yo'q, tez orada penaltilar seriyasi boshlanadi", deb javob berdim. So'nggi 20 daqiqa juda qiyin o'tdi. Van Gal esa mening qiynalayotganimni ko'rib jahli chiqayotgandi.

O'yin yakunlanganidan keyin barchamiz yon chiziqda yig'ildik, u mening oldimga keldi va kutilmaganda urib qoldi. Bam! Katta va og'ir qo'l mening tanamga kelib urildi va u shunday dedi: "Men bilan boshqa bunday gaplashma!".

Van Gal bazida futbolchilarni quchoqlashi ham, zarba berishi ham mumkin", - dedi van Persi.

Havola :

Manba : Goal

Yangiliklarni Telegramda o'qing!

Reyting: +4