Valeriy Kichin: "Aleksandr Krestininning qo'ng'irog'idan so'ng "Lokomotiv"ga o'tishim hal bo'ldi"

- Yangi jamoaga o'tdingiz. Dastlabki taassurotlar bilan bo'lishsangiz?

- Barchasi yaxshi. Klub ham ancha mashhur. Barchasi joyida.

- "Lokomotiv" bilan yig'inlarda ham ishtirok etdingiz. Adaptaciya jarayonidan o'tib bo'ldingiz deb hisoblasak bo'ladimi?

- Men Qirg'izistonlikman va shu sabab men uchun bu jarayon osonroq kechdi. Yigitlar meni yaxshi qabul qilishdi.

- Jamoa bilan muzokaralar qanday kechdi?

- Muzokaralar uzoq vaqt davom etdi deya olaman. Aleksandr Krestininning qo'ng'irog'idan so'ng ko'p o'ylab o'tirmadim va rozi bo'ldim.

- Sobiq jamoangiz "Enisey" sizga yangi shartnoma taklif qilganini elon qilgandi. "Enisey" safida 200dan ko'proq uchrashuvlarda ishtirok etdingiz va uzoq vaqt davomida ushbu jamoada to'p tepdingiz. "Enisey" jamoasidan ketishingizga nima sabab bo'ldi?

- Birinchi navbatda shartnoma bo'yicha kelisha olmadik. Menga bo'lgan munosabat ham menga yoqmadi. Men ushbu jamoada deyarli 8 yil davomida to'p tepgandim. Rahbariyatning yangi shartnomasi ham menga to'g'ri kelmadi. "Lokomotiv" esa menga qiziqish bildirdi. Seni hurmat qilishmaydigan joyda qolishdan manfaat yo'q.

- "Lokomotiv"dan boshqa takliflar ham bo'ldimi?

- Osiyodan takliflar ko'p edi. Hindiston, Bangladesh, Qirg'izistondan takliflar bor edi.

- Siz juda oilaparvar insonsiz. Oilangiz bilan to'liq Toshkentga ko'chib o'tdingizmi?

- Hozircha yo'q. Farzandlarim bog'chaga borishadi va hozir ularni boshqa shaharga olib ketishim to'g'ri qaror bo'lmasligi mumkin. Toshkentga ko'nikib olishim kerak. Keyingi mavsumdan esa oilam bilan ko'chib kelamiz.

- Qirg'iziston terma jamoasi o'z tarixida birinchi marotaba Jahon chempionatining uchinchi saralash bosqichida ishtirok etadi. Guruhimizdagi raqiblar haqida gapirib o'tsangiz?

- Nima ham deyish mumkin. Faqatgina maydonga chiqib kurashish kerak xolos. Oson guruhlarning o'zi yo'q.

- Qirg'iziston terma jamoasining yangi bosh murabbiyi bilan gaplashib oldingizmi?

- Ha. Biz telefon orqali suhbatlashdik. Tarkib, uslub va qura natijalari haqida biroz gaplashdik.

Tengelbes Musaev suhbatlashdi