Vadim Abramov va boshqalar - Superligada 16-turning eng yaxshilari
20 avg 15:30
Yangiliklar
![](https://championat.asia/upload/storage/799354_original.jpg)
![](/upload/storage/799354_220.jpg)
Vadim Abramov va boshqalar - Superligada 16-turning eng yaxshilari
Championat.asia sayti talqiniga ko'ra 16-turning eng yaxshi darvozaboni – Botirali Ergashev ("Neftchi")
"Neftchi" bu tur safarda "Metallurg" bilan 0:0 hisobida durang o'ynadi. Uchrashuv davomida "Neftchi" posboni Botirali Ergashev jamoasini muqarrar gollardan qutqarib qoldi. Ayniqsa so'nggi daqiqalarda mezbonlarning qarshi hujumidan keyin bir vaziyatning o'zida ikkita seyv namoyish eta oldi. SHu tariqa Ergashev turning eng yaxshi posboni sifatida etirof etildi.
Championat.asia sayti talqiniga ko'ra 16-turning eng yaxshi murabbiyi – Vadim Abramov ("Dinamo")
"Dinamo" Samarqandda musobaqa peshqadamlaridan biri bo'lib turgan OKMKni qabul qildi va 3:2 hisobida irodali g'alabaga erishdi. Uchrashuv davomida ikki marta hisobda ortda borgan "Dinamo" so'nggi soniyalarda g'alaba golini urib, g'alaba qozondi. Dramatik kechgan bahsda 3 ochkoni qo'lga kiritgan "Dinamo" ustozi turning eng yaxshi murabbiyi deb topildi.
Championat.asia sayti talqiniga ko'ra 16-turning eng yaxshi futbolchisi – Doniyor Abdumannopov ("Paxtakor")
"Paxtakor" bu tur Toshkent derbisida "Lokomotiv"ni qabul qildi va 3:1 hisobida g'olib bo'ldi. SHu kuni "sherlar" safida Doniyor Abdumannopov juda faol bo'ldi. U ikkita gol uridan tashqari CHeranga golli uzatmani ham amalga oshirdi. Abdumannopov saytimiz talqiniga ko'ra 16-turning eng yaxshi futbolchisi deb topildi.
Championat.asia sayti talqiniga ko'ra 16-turning eng chiroyli goli muallifi – Oybek Bozorov ("Nasaf")
"Qizilqum" - "Nasaf" uchrashuvining 87-daqiqasida Oybek Bozorov jarima maydoni tashqarisidan chiroyli gol urdi va bu gol g'alaba goliga aylandi. Aynan Bozorov tomonidan kiritilgan to'p championat.asia sayti talqiniga ko'ra turning eng chiroyli goli deb topildi.
O’xshash yangiliklar
![AMP Logo](https://championat.asia/image/logo-amp.png)
Fikrlar