Vadim Abramov: "Bunyodkor" bilan shartnomam yil oxirida tugaydi, keyin esa..."

"CHempionatning so'nggi o'yinidan oldin bizda hech qanday vazifa yo'q edi, medallar o'z egalarini topib bo'ldi. SHu bois yigitlarni o'yinga ruhlantirish og'ir bo'ldi. Ularga maydonga tushib o'ynashgani uchun rahmat aytaman. Menimcha durang adolatli natija bo'ldi", - deydi Abramov. 

- Kubokda ham "Qizilqum" bilan o'ynaysizlar. Ruhlantirish qiyin bo'lmaydimi?
- Bu yil qo'lga kiritishimiz mumkin bo'lgan so'nggi sovrin bu mamlakat kubogi. SHu bois bo'lajak o'yinga munosabat jiddiyroq bo'ladi.

- Bu yilgi mavsumda shogirdlaringiz o'yinidan qanchalik ko'nglingiz to'ldi?
- Aytish qiyin. Mavsum oxiri, yigitlar charchashgan.

- 2021 yilda ham Vadim Abramovni "Bunyodkor" bosh murabbiyi sifatida ko'ramizmi?
- Agar shunday mish-mishlar bor ekan ko'ramiz. SHartnomam yil oxirida tugaydi. Keyin nima bo'lishini hozircha bilmayman.

- "Bunyodkor" futbolchilarini kubokni qo'lga kiritish uchun ruhlantirsa bo'larmikin?
- Albatta, faqat butun yil davomida futbolchilarga vada berib kelayapmiz, yil tugamoqda, natija esa yo'q. Agar futbolchilar uchun hech bo'lmasa malum muammolarni hal qilinsa ruhlantirish osonroq bo'ladi. Lekin nima bo'lgan taqdirda ham kubokda bor kuchimiz bilan o'ynaymiz.