Vadim Abramov: "Bugun qiynaldik, chunki raqib himoyaviy o'ynadi"

"Raqib himoyaga o'tib o'ynagani uchun biz uchun bahs og'ir bo'ldi. Bizni qarshi hujumda jazolashga urinishdi. Yigitlarga rahmat aytaman. Tanaffusda aytganlarimni bajarishdi va g'alabaga erishdik. Ammo gol urganimizdan keyin ko'proq himoyaga o'tib olganimiz yoqmadi.

Biz "Metallurg"ning himoyasini yorib o'tish qiyin bo'ldi. Ikkinchi taymda biz taktikani biroz o'zgartirdik hamda gol urdik.

Bugun hakamlikka etiroz yo'q. Albatta barcha o'yinda hakam kichik bo'lsa ham xato qiladi.

Endi keyingi hafta o'rtasida Kubok o'yinini o'tkazamiz. Tezroq tiklanish uchun harakat qilamiz. Bir tomondan ko'p o'yin o'tkazganimiz ham yaxshi. Futbol muxlislar uchun o'ynaladiku", - deydi Vadim Abramov.