Vadim Abramov: "Bugun boshqacha taktikada harakat qildik"

"O'tgan hafta Samarqandda "Dinamo" bilan o'ynagandik. Bitta raqib bilan ikki bor o'ynash doim og'ir. Birinchi bo'limni yaxshi boshladik, ammo kutilmaganda yo'l qo'yilgan xatolar tufayli o'zimizga muammolar olib keldik. Biroq shunday holatdan chiqib ketib g'alaba qozonganimiz xursand qildi", - deb gap boshladi mehmonlar bosh murabbiyi.

"Bugun boshqacharoq o'ynadik, taktikani o'zgartirishga urindim. Bundan tashqari raqib safida ham bir qator yoshlar borligini ko'rdim. SHu bois zaxiradagi futbolchilarga imkon berdim. Nagaev va Mustafoev kabi futbolchilarning maydonga tushmagani sababi ularga dam berdim. Biz qisqa vaqt ichida "Neftchi" bilan, so'ngra yana "Dinamo", keyin "Buxoro" bilan o'ynaymiz. Agar yarim finalga chiqsak yana ikkita uchrashuv o'tkazamiz. SHu sababli kamroq maydonga tushayotganlarga imkon berishga qaror qildim", - deydi Abramov.

Behbud Erkinov yozib oldi.