Uzoq muddatli diskvalifikaciyadan qaytgan Pogba intervyu berdi

32 yoshli futbolchi monegasklar "Renn"ga 0:4 hisobida mag'lub bo'layotgan bir pallada, uchrashuvning 85-daqiqasida zaxiradan o'yinga qo'shildi. Qolgan daqiqalarda "Monako" oradagi farqni bittaga qisqartirishni uddaladi. 

"Futbol men uchun yakunlangani yo'q. Men iztirob chekdim, ammo ishlashdan to'xtamadim va qaytishimni kutardim. Shunday vaqtlar bo'ladiki, iblis seni batamom o'ldirishni istaydi, ammo xudo bor. Men doim o'z hislatlarimga ishonganman va bilamanki, yuz bergan vaziyatda mening aybim yo'q. Umidim har doim tirik edi", – deya franciyalik so'zlaridan iqtibos keltiradi "RMC Sport". 

Eslatib o'tamiz, Pol Pogba "Yuventus"dalik davrida antidoping qoidalarini buzishda ayblanib, diskvalifikaciya qilingandi.

Pol Pogba 811 kundan so'ng yana maydonga qaytdi