“UzDongJu-2001” chempion!

Avval xabar berganimizdek, bosh sovrin uchun “UzDongJu” bilan “Buxoro” kuch sinashdi. Turnirga 11 nafar futbolchi bilan tashrif buyurgan andijonliklar shunga qaramay bosh sovringa ega chiqdi. Lochin Guldaev boshqaruvidagi “UzDongJu-2001” jamoasi finalda mezbonlarga qarshi astoydil o'ynadi va o'z uyiga Kubok bilan qaytish uchun jiddiy kurashdi. 

Uchrashuvda birinchi bo'lib andijonliklar hisobni ochishdi. Samandar Abdurahimov o'z nomini yozdirib qo'yishga erishdi. Keyinchalik buxoroliklar penaltidan javob to'pini kiritdi. Asosiy bo'limlarda o'zaro tenglik qayd etilgach navbat penaltilar seriyasiga etib keldi. Lotoreyada omad “UzDongJu”ga kulib boqdi va unda 6:7 hisobi qayd etilib, andijonliklar g'olib bo'ldi. 

SHu tariqa Guldaev jamoasi ertaga Andijonga bosh sovrin bilan qaytadi. SHo'rbuloq dahasidagi futbolga ixtisoslashtirilgan maktab internati o'quvchilari bo'lgan “UzDongJu” futbolchilarini tantanali ravishda kutib olish marosimi bo'lib o'tadi. 

“UzDongJu” jamoasining mazkur turnirda ishtirok etgan tarkibi:  29.Asad Axiyarov, 2.Odilbek Abdumajidov, 4.Ahror Mamurov, 5.Sarvar Topvoldiev, 8.Tohir Karimov, 9.Farruh Qobulov, 11.Ozodbek O'ktamov, 17.Muhammadaziz Ibrohimov, 22.Aziz Zokirov, 27.Samandar Abdurahimov, 30.Asadbek Sultonmurodov.

Islombek Rustambekov.