Ushbu haftada barcha terma jamoalarning murabbiylari aniq bo'ladi

SHu jumladan, milliy terma jamoada ham. Katta ehtimol bilan MTJda bosh murabbiy o'zgarmaydi. Murabbiylar shtabi borasida hozircha aniq axborot yo'q. Undan tashqari, Ummonda bo'lib o'tadigan Osiyo chempionatida ishtirok etadigan terma jamoamiz va olimpiya terma jamoamizni ham kim boshqarishiga oydinlik kiritiladi.

31 dekabr kuni O'FFda faoliyat olib borayotgan barcha murabbiylarning mehnat shartnomalari o'z yakuniga etadi. O'FF Terma jamoalar markazi o'ziga maqul ko'rgan mutaxassi bilan shartnomani uzaytiradi. Ayni paytda MTJda Mirjalol Qosimov bosh murabbiy. 1993 yilda tavallud topgan yoshlarimizga esa Ahmadjon Musaev ustozlik qilayotgandi. 1996 yilda tug'ilgan futbolchilardan iborat terma jamoamiz o'z faoliyatini yakunlaganini inobatga olsak, Osiyo chempionati va JCHda mazmunli o'yin ko'rsatgan Dilshod Nuralievni olimpiya terma jamoamiz boshqaruvida ko'rishimiz mumkin. Aleksey Evstafeev esa bugungi yoshlar terma jamoamiz ustozi hisoblanadi. 1998 va 2000 yillar terma jamoalariga esa Temur Alimxo'jaev ustozlik qilishda davom etadi. Hozircha Ummonda bo'lib o'tadigan Osiyo chempionatida qaysi terma jamoamiz kimning qo'l ostida borishi nomalum.

Kamoliddin Alimov