Unai Emeridan “Arsenal“ muxlislariga ochiq xat
30 noy 2019 08:50
Yangiliklar
![](https://championat.asia/upload/storage/531443_original.jpg)
![](/upload/storage/531443_220.jpg)
Unai Emeridan “Arsenal“ muxlislariga ochiq xat
“Men uchun bu klubni boshqarish katta sharaf edi. Menga “Arsenal“ning buyukligini tushunishga va his qilishga yordam bergan muxlislarga chin dildan minnatdorchilik bildirmoqchiman. Bizni sayyoramizning har burchagidan qo'llab-quvvatlagan barchaga, “Emireyts“ga kelib sovuqda va yomg'irda rahmat aytish uchun meni kutib o'tirganlarga minnatdorchilik bildiraman. Sizga shuni aytmoqchimanki, men jamoa uchun ishtiyoq bilan astoydil ishladim.
Siz bilan yaxshi natijaga erishishdan boshqa hech narsani o'ylamadim.
SHuningdek, xodimlarga menga bo'lgan munosabati uchun tashakkur aytmoqchiman. Ushbu klubning buyukligi har bir xodimda, direktor, ishchi yoki ko'ngilli(volontyor)da o'z aksini topgan.
Xususan, Ivan Gazidis, Raul Sanlexi, Edu va Vinay Vinkateshamni meni klubga hurmat bilan qabul qilganliklarini aytmoqchiman va ularning bergan yordamlarini qayd etib o'tmoqchiman. So'nggi daqiqagacha ular menga hurmat va sharaf bilan munosabatda bo'lishdi.
Ushbu bir yarim yil emocional yillar edi, yaxshi va unchalik yaxshi bo'lmagan lahzalarga boy o'tdi, lekin bu klubda ishlash baxtiga muyassar bo'lganimni va mana shunday professional futbolchilar bilan birga ishlaganimni har kuni o'ylab yurdim va omadli ekanimni his qildim.
Ular har doim kiygan libosini hurmat qilishdi. Ular sizning qo'llab-quvvatlashingizga loyiq.
Men futbolda ancha lahzalarni ko'rdim, ammo Angliyada ko'p narsalarni o'rgandim va bu erda vaqtimni maroqli o'tkazdim.
Har doim sizga eng yaxshilarini tilovchi!
© Unai Emeri
O’xshash yangiliklar
![AMP Logo](https://championat.asia/image/logo-amp.png)
Fikrlar