Ummonga qarshi o'yinlarni Ceytlin va Ermatov boshqaradi

27 may, seshanba kuni Olmaliq shahridagi OKMK sport majmuasi stadionida bo'lib o'tadigan O'zbekiston va Ummon milliy terma jamoalari o'rtasidagi xalqaro o'rtoqlik uchrashuvini o'zbekistonlik FIFA referisi Vladislav Ceytlin boshqarib boradi. Unga qanotlarda toshkentlik Temur Gaynullin va Toshkent viloyatidan Andrey Capenko yordam beradi.

29 may, payshanba kuni Toshkentdagi Jar stadionida bo'lib o'tadigan ikkinchi uchrashuvni FIFA referisi Ravshan Ermatov boshqarib boradi. Ushbu o'yinda Ermatov Braziliyada bo'lib o'tadigan 2014 yilgi jahon chempionati bahslarida ishtirok etadigan tarkibi bilan ishtirok etadi – qanotlarda unga o'zbekistonlik Abduhamidullo Rasulov va qirg'izistonlik Bahodir Qo'chqorov yordam beradi.

Eslatib o'tamiz, har ikkala o'yin mahalliy vaqt bilan 19:00da boshlanadi. Uchrashuv chiptalari 7 va 10 ming so'mdan sotuvga chiqariladi. Uchrashuvlarni yoritish istagida bo'lgan OAV xodimlari O'zPFL tomonidan Oliy Liga, O'zbekiston Kubogi va O'zbekiston Birinchiligi o'yinlari uchun berilgan akkreditaciyalar bilan kirishlari mumkin.

Malumot uchun, O'zbekiston milliy terma jamoasi Ummonga qarshi o'rtoqlik uchrashuvlariga tayyorgarlikni 24 may, shanba kuni boshlaydi. Milliy terma jamoa bosh murabbiyi Mirjalol Qosimov Toshkentda boshlanadigan yig'inga 30 nafar futbolchini taklif qilgan.