Umid Tojimov “Xorazm”da ish boshladi

Bungacha jamoa natijalariga masul bo'lib kelgan Vali Sultonov istefoga chiqdi. Endilikda jamoa murabbiylar shtabida Mixail Kim va Umid Tojimov juftligi faoliyat yuritadigan bo'ldi. Futbolchilik davrida “Xorazm” va “Metallurg” klublarida o'ynab muxlislarga yaxshi tanish bo'lgan Tojimov bu yil o'zini yangi sohada sinab ko'radi. Umid bilan suhbatlashib, maqsadimizni aytganimizda, licenziyasi yo'qligi bois rasmiy bosh murabbiy sifatida Mixail Andreevich taklif etilganini malum qildi. O'zi esa keyinroq batafsil intervyu berishini aytdi. “Xorazm” bugun Toshkent tomon yo'lga chiqqan. Jamoa azolari ushbu hafta “Futbol-MED” tibbiy ko'rigidan o'tkaziladi. Rejaga ko'ra poytaxtda 15 martga qadar bo'ladi va ushbu yig'in chog'ida bir qator sinov-nazorat uchrashuvlarida maydonga tushish ko'zda tutilgan.