Umid Qodirov: "Istiqlol"ga qarshi o'yin foydali bo'ldi"

Ushbu uchrashuvda farg'onaliklar 1:0 hisobida g'alaba qozonishdi. “Neftchi” jamoasi yarim himoyachisi Umid Qodirov bilan mavsumga tayyorgarlik haqida intervyu oldik.

- Bugun Tojikistonning “Istiqlol” jamoasiga qarshi o'rtoqlik o'yinini o'tkazdinglar, o'yin haqidagi fikringizni bildirsangiz.
- O'yin haqida fikir bildiradigan bo'lsam, juda qiyin uchrashuv bo'ldi. Kurash asosan maydon markazida kechdi. Mavsum oldi kuchli jamoalarga qarshi o'rtoqlik o'yini har bir klub uchun kerak deb o'ylayman."Istiqlol" jamoasi ham o'zining chempionatida kuchli hisoblanadi, o'tgan yil OFK kubogi finalida o'ynagandi.

- Avvalgi Turkiyada bo'lib o'tgan yig'inda ham “Istiqlol” klubiga qarshi o'rtoqlik o'yinida maydonga tushgansizlar. “Istiqlol” klubining avvalgi tarkibiga qaraganda hozirgi tarkibi qay darajada kuchli?
- O'tgan yilgiga qaraganda bu yil ancha kuchaygan, o'zimizda o'ynab ketgan Akmal Xolmatov ushbu jamoa sharafini himoya qilyapti. Bunday jamoalarga qarshi o'rtoqlik o'yinlari biz uchun foydadan holi bo'lmaydi.

- Mavsumga qay darajada tayyorgarlik ko'ryapsizlar?
- Asosan jismoniy tayyorglik va texnikaga ko'proq etibor qaratyapmiz, bundan maqsad avvalgi holatimizni tiklab olish. Murabbiylar kim qanday holatda ekaniga qarab jismoniy mashg'ulot o'tkazyapti. CHunki hamma har hil holatda. Farg'onada Hokim kubogi bo'lib o'tadi, ushbu turnirda munosib ishtirok etishga harakat qilamiz. O'zbekiston chempionatiga jiddiy tayyorgarlik ko'ryapmiz. Klub rahbariyatlari azaldan oliy o'rinlarni ko'lga kiritishni vazifa qilib kelgan, shuning uchun ham bu yil kuchli uchlikka kirishga harakat qilamiz. Jamoada hamma sharoitlar qoniqtiryapti, klub bilan yana ikki yillik kelishuvga erishdim.

Sotvoldiev Jahongir suhbatlashdi.