"Kerjakov "Istiqlol" bilan muzokara o'tkazdi, ammo klub Lazarevichni tanladi"

"Nikola Lazarevich - "Istiqlol" bosh murabbiyi bo'ladi. U klubga ikki nafar serbiyalik yordamchisi bilan keladi. "Istiqlol"da darvozabonlar murabbiyi bo'lib ishlab kelayotgan Dmitriy Tyapushkin o'z lavozimida qoladi. Tojikistonlik sobiq futbolchi Dilshod Vosiev ham uning murabbiylar shtabiga kiradi. Lazarevich O'zbekistonda "Qizilqum" klubidagi faoliyati bilan muxlislarga yaxshi tanish.

"Istiqlol" klubi short-listida bir qator murabbiylar bor edi. Bular: "Paxtakor" sobiq ustozi Slavche Voyneski, serbiyalik Milan Milanovich hamda rossiyalik sobiq hujumchi Aleksandr Kerjakov.

Malumot uchun, Aleksandr Kerjakov bo'yicha muzokaralarni o'zbekistonlik futbol mutaxassisi Ulug'bek Mirzaev olib borgan. Mirzaev rossiyalik sobiq futbolchi bilan ancha yillardan buyon yaxshi tanish ekan. Kerjakov O'zbekiston Superligasi bilan taqqoslaganda o'rtacha oylikka ishlashga rozi bo'layotgandi. Ammo "Istiqlol" rahbariyati o'z vaqtida Tojikiston chempionatida ishlash tajribasiga ega bo'lgan Lazarevich nomzodida to'xtadi. Kerjakov hozircha hech bir klubda ish boshlamadi va oilasi bilan Franciyaga dam olish uchun uchib ketdi", - deb yozadi Narzulla Saydullaev telegramdagi o'z kanalida.