Ulug'bek Baqoev: "Uchrashuvga nega 3 daqiqagina qo'shib berilganini tushunmadim"
12 may 2017 21:13
Yangiliklar

Ulug'bek Baqoev: "Uchrashuvga nega 3 daqiqagina qo'shib berilganini tushunmadim"

"Paxtakor" - "Buxoro" (2:1) uchrashuvidan keyin tashkil etilgan matbuot anjumanida mehmonlar bosh murabbiyi Ulug'bek Baqoev ishtirok etdi.

- Avvalo "Paxtakor"ni g'alaba bilan tabriklayman. Bugun qiziqarli o'yin guvohiga aylandik. Bu bahsga jiddiy tayyorgarlik ko'rgandik. Yaxshi niyatida Toshkentga kelgandik, ammo kutganimiz bo'lmadi. Yutqazayotgan pallada "vabank"ka borishga majbur bo'ldik. Gol urishga ham erishdik. Lekin vaziyatni to'liq o'nglashga ulgurmadik.

- O'yin tugaganidan keyin hakamlar xonasiga kirganingizni ko'rdik...
- Menga bosh hakamning uchrashuvga 3 daqiqagina qo'shib bergani yoqmadi. CHunki o'yinda to'xtalishlar 6-7 daqiqani tashkil qilgandi. Biz buni hisoblab turgandik. Lekin o'z savolimga javob ololmadim. SHuningdek, darvozamiz ortida to'p yo'q edi. Futbol qoidalari bo'yicha darvoza ortida to'p turishi kerak. Ammo bizning darvozabon to'pni orqasidan yugurib yurishga majbur bo'ldi. SHunga tushunmadim.