Ulug'bek Bakaev: "Buxoro"ni Superligaga qaytgani bilan barchani tabriklayman"

Matbuot anjumanining birinchi qismida "Buxoro" futbol klubi bosh murabbiyi Ulug'bek Bakaev ishtirok etdi.

"O'yin haqida to'xtaladigan bo'lsam, "Mashal" Superliga yo'llanmasini qo'lga kiritib bo'lgan lekin shunga qaramasdan teng kurashlarga boy o'yin guvohi bo'ldik. 2-3 tur oldin ketma ket mag'lubiyatlardan o'zimizga kelishimiz uchun ozgina vaqt kerak bo'ldi. "Mashal" jamoasini bilardik, bu yil ikki jamoa ham etarli darajada bir biri bilan raqobat qildik va Superliga yo'llanmasini qo'lga kiritdik. 4 ta o'yin "Mashal" bilan o'tkazgan bo'lsak 2 mag'lubiyat, 1 g'alaba va 1 durang natija qayd etdik.

"Buxoro" klubi Superligaga qaytgani munosabati bilan yigitlarni, murabbiylar shtabini, klubda ish olib borgan barchani oshpazdan tortib haydovchilargacha va albatta viloyat rahbari Botir Komilovichga, boshqa rahbarlarga va albatta Buxoro xalqiga, muxlislariga minnatdorchilik bildiraman va tabriklayman!", - dedi Ulug'bek Bakaev. 

- Superliga yo'llanmasi bilan tabriklayman. "Buxoro" futbolchilaridan 5 nafariga sariq kartochka ko'rsatildi va "Buxoro" futbolchilari o'yin davomida yotib olishlar va vaqt cho'zishlar kabi holatlar ko'p sodir bo'ldi, umuman olganda o'yin uchun bu uslub ham rejangizga kiritilganmidi?
- Ochig'ini aytadigan bo'lsam biz hali vazifani uddalamagan edik, bu haqida o'ylaganimiz sari havotir paydo bo'la boshladi va omadsizliklar boshlandi. 2-3 kun dam olib reglament va holatlar bo'yicha hulosa qilamiz va murabbiylar shtabi va rahbariyat bilan o'tirib Superliga uchun harakat rejasini tuzamiz.

- Sizning fikringizcha bu yil Pro ligada eng kuchli va eng kuchsiz jamoa qaysi?
- Har bir klubda qandaydir uyqu holati yuzaga keldi. "Mashal" ketma ket 7 yoki 8 g'alaba qilgan bo'lsa "Buxoro" ketma ket 6 g'alabaga erishdi lekin har bir klub taktik texnik va ijrochilari evaziga etarlicha qarama qarshilik ko'rsatdi bunga isbot qilib "Mashal" 3 tur, "Buxoro" 2 tur qolganda Superliga yo'llanmasini hal qilganini ko'rish mumkin. Mening fikrimcha "Buxoro" va "Mashal" butun chempionatni stabil va ishonchli o'tkazdik deb o'ylayman. Yana bir narsa 7 yil deganda "Mashal"ni Muborakda mag'lub etdik.