Ukraina delegaciyasi Namangandagi “Markaziy” o'yingohga tashrif buyurdi
29 may 2021 15:50
Yangiliklar

Ukraina delegaciyasi Namangandagi “Markaziy” o'yingohga tashrif buyurdi

Ayni paytda Namangan viloyatida Ukrainaning mamlakatimizdagi elchisi Nikolay Doroshenko, Xmelnickiy shahar meri Aleksandr Simchishin boshchiligidagi Ukraina delegaciyasi mehmon bo'lib turibdi.

Delegaciya azolari bugun “Navbahor” jamoasi o'z uy uchrashuvlarini o'tkazadigan Namangan shahridagi “Markaziy” o'yingohga tashrif buyurishdi. Mazkur tashrif davomida martabali mehmonlarga “Navbahor” PFK va “Markaziy” o'yingoh rahbariyati hamda xodimlari hamrohlik qilishdi.

“Markaziy” o'yingohga tashrif davomida Ukraina delegaciyasi azolari futbolchilarga yaratilgan sharoitlar bilan tanishish asnosida, jamoalarning kiyim almashtirish xonalari, stadion foyesi, maydon chimi sifatini ko'zdan kechirishdi.