Uganda termasi bosh murabbiyi: "Sizlarda kuchli murabbiy va futbolchilar bor"

- Dastlab, 46 million aholisi bor Uganda mamlakati tomonidan O'zbekistonga minnatdorchilik bildiraman. Musobaqa yuqori darajada bo'ldi. Bu turnir orqali biz bir nechta yosh iqtidorlarni ko'rib oldik. Namangandagi o'yinlar orqali futbolchilarimizning tajribasini oshirish uchun yaxshi imkon bo'ldi. Bizning va sizlarning chempionat orasida farqlar bor. Sizning chempionatingiz ancha kuchli. Turnirda chempionatimizda to'p surayotgan mahalliy futbolchilarga ham o'ynash imkonini taqdim etdik.

Bu o'yinlar orqali biz o'zimizni sinab oldik. Sinab olish uchun esa kuchli jamoalarga qarshi o'ynashimiz kerak. O'zbekiston esa to'g'ri tanlov bo'ldi. Biz musobaqada g'alabaga erishdik va tajribaga ham ega bo'ldik. Turnir orqali biz Afrika chempionatining saralash o'yinlariga futbolchilarni tekshirib oldik. Sizlarda kuchli murabbiy va futbolchilar bor. Masharipovning golida bizning futbolchilar qo'pol xatoga yo'l qo'yishdi va gol sovg'a qildik. SHomurodov o'zining goli bilan bizning muammoni yanada kattalashtirib yubordi. Qanotdagi futbolchilaringiz himoyachilarimizni ancha qiynab qo'ydi.

- Jamoamning kelajakdagi rejalari...

- Turnir orqali ko'p narsani o'rgandik. Bizning maqsad g'olib bo'lish emas edi. Turnir orqali jamoamizni sinab oldik. Markaziy Osiyoda yaxshi jamoalar bor. Hozirdan jamoaning 100 foizli tarkibini shaklantirdim demagan bo'lardim. Bu turnir orqali kerakli va ortiqcha futbolchilarni ko'rib oldik. Biz turnir orqali nimalarga qodir ekanligimiz bilib oldik. SHu yilning 1-14 iyun kunlari Afrika chempionatining saralash bahslari bo'lib o'tadi. Unga qadar yanada yaxshi tayyorgarlik ko'rishga harakat qilamiz.

- Vaziyatdan foydalangan holda turnir tashkilotchilarga rahmat aytaman. Barchasi ajoyib bo'ldi. Bu erda hamma futbolni sevar ekan. Maydondagi atmosfera ham ajoyib bo'ldi. Ajoyib futbol va mehmondo'stlik uchun yana bir bor rahmat aytaman.