Uchqun Qobilov: "Dinamo" kuchli to'rtlikka kirishga harakat qilishi kerak"

"O'zingiz bilasiz jamoamizda o'n kun ichida katta o'zgarishlar bo'lib ketdi. Jamoa qishda yig'ilganidan beri mana yaqinda yig'ildi. Karantin boshlanib qoldi. Tayyorgarlik maromida bo'lmadi. Ikki hafta davomida ushbu jamoani tayyorladik. Mana shu vaqt davomida ikkita uchrashuvda maydonga tushdik.

CHempionat endi boshlandi. Yuqori o'rinlarni egallashga harakat qilamiz. Samarqand ahlini g'alabalar bilan xursand qilishga intilamiz. Hozirda jamoadagi barcha futbolchilar bilan rasman shartnoma imzolangan. Tarkibdagi bor futbolchilar bilan o'ynaymiz. Lekin, kamchiliklarimiz ko'p. Ikki hafta ichida jamoani tayyorlash o'zi bo'lmas ekan.

Eng kuchli mutaxassislar ham bu borada qiyinchilikka uchrashlari aniq. Xatolar ustida ishlaymiz. Oldinda yana 13ta tur bor. Kuchli to'rtlikka kirishga harakat qilishimiz kerak. Samarqandga Superliga havosini qaytarishga harakat qilamiz. Transferlar oynasida yana bir nechta futbolchilarni taklif qilamiz. Bu yo'lda harakatlar boshlangan. Maydonda futbolchilar to'p tepadi. Ularni esa biz tayyorlaymiz.

"Neftchi" jamoasi ham katta tarixga ega, tarkibida Superligada o'ynagan futbolchilari bor. Oldinga qarab intilishimiz zarur",- deydi Uchqun Qobilov.